Xedea
Inspiraciencia zientzian inspiraturiko kontaketa-lehiaketa da. Zientzia eta idazketa era ludikoan bateratzen dituen ekimena da; fikzioa abiapuntu izanik, zientzia birpentsatu eta irudikatzeko gune irekia. Bere helburua pentsamendu zientifikora hurbilketa sustatzea da; era pertsonal askean, eta sormen literarioaren bitartez, lehenago imajina ezin zitezkeen errealitateak arakatuz.
- Zientzian inspiraturiko gaia duen eta jatorrizkoa den kontaketa bat aurkezten duen edozein pertsonak har dezake parte, lehiaketaren edozein hizkuntzatan (euskara, katalana, gaztelania edo galegoa).
- Jatorrizko testuek euskaraz, katalanez, galegoz edo gaztelaniaz izan beharko dute, argitaratu gabeak eta ezin izango dira beste deialdi, lehiaketa edo sari literarioren batean sariturik egon. Ezta edozein euskarritan edo blog pertsonaletan argitaraturik agertu ere.
Modalitatea eta kategoriak
- Lehiaketa-modalitate bakarra egongo da: 800 hitz gehienezko kontaketa laburra.
- Parte hartzaileek hurrengo kategoria hauetan hartuko dute parte:
- Helduak (18 urtetik aurrera), kontaketak aurkezteko epea amaitzean, parte hartzaileek 18 urte izan beharko dituzte.
- Gazteak (12 urtetik 17 urtera), kontaketak aurkezteko epea amaitzean, parte hartzaileek 18 urte baino gazteago beharko dute izan. - Parte hartzaile bakoitzak, gehienez, lau kontaketa aurkez ditzake, hizkuntza ezberdinetan idatzita baldin badaude. Parte-hartzaile bakoitzaren kontaketek originalak izan behar dute, beraz, ezin izango da kontaketa bera hizkuntza ezberdinetan aurkeztu.
- Lehiaketan gazteen kategorian ikasleen parte-hartzea sustatu duten irakasleek, baldin eta horiek , gutxienez, kontaketa bat aurkeztu badute, «De ciencias y de Letras» izeneko sari berezia lortzeko aukera izango dute.
Kontaketen aurkezpena
- Jatorrizko testuak inspiraciencia.es web gunearen bitartez aurkeztuko dira. Horretarako, parte-hartzaileek aurrez erregistratu beharko dute. Jaiotze datak dagokien kategoria erabakiko du (Helduen kategoria edo gazteen kategoria).
- Parte-hartzaileek beren erabiltzaile kontura sartzeko, erabiltzaile-izena eta pasahitza beharko dute. Ezizena, berriz, kontaketak sinatzeko erabiliko dute. Parte-hartzailearen izena ez da agertuko, irabazlea edo finalista geratu ezean.
- Parte-hartzaile bakoitzak lehiaketaren hizkuntza bakoitzean kontaketa bat aurkez dezake. Baina deialdi batean kategoria eta hizkuntza jakin batean irabazten dutenak ezin izango dira kategoria eta hizkuntza berberean aurkeztu hurrengo bi edizioetan.
- «De ciencias y de Letras» saria irabazteko aukera izan nahi duten irakasleek ikasgelan kontaketak egiteko eta lehiaketan parte hartzeko jarraituriko prozesua azaldu beharko dute beren aukerako formatuan (testua, aurkezpena, bideoa). Azalpen hori webgunean horretarako prestaturiko inprimakiaren bitartez bidaliko dute.
- Kontaketak aurkezteko epea 2021eko ekainaren 13an amaituko da.
Sariak
- Sari-banaketa Zaragozan egingo da, aldez aurretik iragarriko den ekitaldian.
- Lehiaketak sari instituzional bat banatuko du kategoria eta hizkuntza bakoitzeko, eta baita kategoria bakoitzeko publikoaren sari bat ere. Horrez gain, aurten, «De ciencias y de Letras» saria ere banatuko du.
- Sariak gailu elektronikoak, dibulgazio-liburuak, idazkera ikastaroak eta dibulgazio-aldizkarietarako harpidetzak izango dira. «De ciencias y de Letras» saria Inspiraciencia ekitaldirako ideiaturiko ikuskizunen baten sormen-prozesuarekin erlazionaturiko esperientzia bat izango da.
- Lehiaketaren antolatzaileek saria esleitu gabe utz dezakete, aurkeztutako testuek beharrezko gutxieneko maila ez dutela uste baldin badute.
Epaimahaia eta balorazio-irizpideak
- Sari instituzionalei dagokienez, epaimahai bat izendatuko da, eta horrek testuak aztertu eta irabazleak proposatuko ditu. Epaimahaia zientzia, literatura, eta dibulgazioaren arloko pertsonez osaturik egongo da eta aurrez iragarriko da
Antolaketa-batzordeak kontaketak web gunean argitaratuko ditu. Horrez gain, kontaketen aurretiko hautaketaz ere arduratuko da. Hautaturiko kontaketak gero epaimahaiari helduko zaizkio, moderazio sistema bikoitz baten bitartez. - Kontaketak baloratzeko orduan, hurrengo irizpideak hartuko dira kontuan: proposaturiko gaiarekiko egokitasuna, literatura-kalitatea, ikuspuntuaren originaltasuna, narrazioaren egitura eta koherentzia, eta baita idazkera , sormena eta irudimena ere.
- «De ciencias y de Letras» sariari dagokionez, ikasgelan egindako kontaketen sormen eta hautespen-prozesuaren kalitatea hartuko da kontuan, eta baita diziplinartekotasun-maila eta ikasleen motibazioa ere.
- Publikoaren saria online eta pertsona guztiei irekia izango den bozketa baten bitartez erabakiko da. Publikoak kategoria bakoitzeko kontaketa bat sarituko du, hizkuntza kontuan izan gabe.
- Bozketan epaimahaiak jaso duen kontaketa hautaketa bera egongo da. Botatzeko, erregistroa bete beharko da aurretik. Pertsona bakoitzak kontaketa bakoitzeko boto bakarra eman ahal izango du, eta nahi adina kontaketa botatu dezake, horretarako egongo den inprimakiaren bitartez.
Parte-hartzea
- Lehiaketa honetan parte hartzeak honako oinarri hauek onartzea dakar.
- Kontaketa irabazleak euskarri fisiko edo digitaletan argitaratu ahal izango dira, beti ere egileen izena aipatuz.
Bartzelonan, 2021eko martxoaren 10ean.
